小生命日記 - 9
今日又如常返霍醫生度覆診。小寶寶依然健康成長緊，大約重 1.5 磅。醫生話都算幾大個 B。老婆聽完個一刻先鬆一啖氣。
繼覆診之後，爸爸媽媽依家開始著手諗吓買咩小寶寶車仔… carseat… high chair… 奶粉… 同理其他 “kick lick gwack lack” 嘢啦。已經列出許許多多要買既嘢。爸爸心諗：「嘩！要買好很多嘢喎！不過… 冇所謂啦。小寶寶係家中 VIP 黎，更係要有 VIP 既服務啦。」
爸爸又諗到… 遲啲仲要幫小寶寶改名添… 哎吔… 改名係爸爸既弱項… 爸爸苦惱中… 
小生命日記 - 8
25號嗰日去左龔羽一度做 Sturctual Ultrasound… 等左一陣先入去照…
醫生：「個 B 好曳，位置唔啱乜都照唔到… 出去等等再入過黎啦…」
咁我地咪出返黎等… 第二啤入左去… 冇耐出番黎…… 灰左… 如是者啤啤都灰哂。
又到我地啦，終於阿 B 轉左身，可以照到啲眼耳口鼻，手手腳腳，頭仔肚仔… 點知仲差個心同背脊… 灰哂，又要出去再等… /_\
小生命日記 - 7
今日放工返屋企… 冇咩特別。食完飯又如常出街散步，散完又返屋企 hea。
老婆突然同我講個肚好似有啲痛。咁我咪叫佢比個肚我睇吓摸吓。點知真係唔摸尤自可，一摸就嚇死我！老婆個肚突然＂砰＂一吓咁突左一吓。
跟手繼續摸，先發覺個肚仔好似仲有小小郁郁吓既感覺。咁我諗…唔通係胎動！？咁我數吓日子… 嘩！原來已經差唔多二十週！怪唔知得啦！我仲記得睇過吓書話媽媽二十週到就可以 feel 到 BB 胎動。哈哈哈！
就係咁，BB 第一次既胎動就係一次嚇親爸爸媽媽之下發生左… 
小生命日記 - 6
今日如常定期返霍醫生度做檢查，又如常做其毛聊超聲波… 點知一照…
霍醫生彈咗句：「你地話佢係男定女?」
我同老婆都 R 哂頭… 醫生嗡乜春呀?慢慢,慢慢我同老婆都睇到疑似大脾內側見到啲白色物體… 唔通係…？
醫生跟手又彈咗句… 「你地個仔都幾唔怕羞喎,咁樣 “mak” 脾比人睇哂！」
啊… 果然真係…大頭仔…
話時話，咁第二日咪有人同我打機？@o@
小生命日記 - 5
今天又返來霍醫生診所覆診。太太下午兩點半已經喺診所外輪候。差不多兩點五十九分啲姑娘先返來開門。
等咗唔係好耐就到我地 (因為醫生未返)。一入去照超聲波嗰時，醫生爆咗句…「哇！啤啤個頭好大！」我同太太聽完都笑咗一下。因為實在太搞笑。跟手我問醫生知唔知係男定女？佢話未知喎，下次先啦。
啤啤終於三個月，可以話比朋友仔知啦。同埋，太太啲孕吐好咗好多，少咗嘔又終於食到野啦。
毛人逸事 - 二
正所謂 - 毛駑毛險, 又到初夏天. 雖則今個夏天份外不同. 皆因我倆小口子正耐心期待著一個小生命既到來. 時間不多不小, 預計正是今個冬天! 睇黎, 毛人家今年正面臨巨變!
小生命日記 - 4
今天做了唐氏綜合症普查評估，即係 OSCAR。此評估是利用超聲波量度小寶寶的頸皮厚度來評估小寶寶會唔會有唐氏綜合症可能性。
我們到了龔羽一醫生診所輪候。一去到，哇！好 Q 多人呀。我地等左差不多半個鐘先有得入。入到去間房，太太先上床等醫生 set 架生。影像由 LCD 到睇到，小寶寶開始成人形，但看不清楚。醫生叫太太咳兩聲，啊，小寶寶在跳 break dance！呀… 不對，我是說他會反身。醫生量度完後說，沒問題！啊，真係謝天謝地。報告他會寄回給霍醫生。
今天學會了，原來咳兩聲，小寶寶會在媽媽體內跳 break dance… 哈哈哈…
小生命日記 - 3
今天轉了看霍麗玲醫生。很難才預約到呢！看完醫生後，感覺上比江醫生好。我們決定了會在九龍塘某間私家醫院生小寶寶。預產期是十二月初… 現在的心情是既緊張又與奮！
小寶寶現在是十週大，現在看來還很像小蝦米！時間過得很慢呢！
看完醫生後過了診所對面的化驗室做抽血檢查。下個星期做 OSCAR 呢。
小生命日記 - 2
今天又再到江醫生復診及照超聲波… 今天小生命已有 3.26 厘米長，已可以看到小生命的初型，更看到小啤啤在郁身郁世！哈！很搞笑的呢。我們像一對問題少年，問了醫生很多問題，直至她也開始不太耐煩為止。
每次去復診，見到小寶寶一點一點咁長大真係覺得好奇妙。媽媽還是要靠藥物減小孕吐。醫生說，小寶寶三個月到，媽媽孕吐會減小。希望係真啦。
小生命日記 - 1
今天經人介紹到了江孟儀醫生做儉查，小生命已長大到約 1.19 厘米。透過 LCD 可隱約看到小生命的心藏在一下一下的跳動。另外，在小生命附近發現了兩個水郎，醫生說暫時沒大問題，但傻小豬還是很檐心。
傻小豬的孕吐比前一排更嚴重。早上只可吃稀粥。此時真想時間可以過快一點，傻小豬的痛苦可以減小點。
