夜半毛人私語時

有時返工都幾悶。不過，好彩我公司做廚房用具，所以得閒可以揾 o的成品辦黎撚下花神。就好似… 下面隻甲蟲咁。有冇人估到其實原身係用乜野撚成咁樣？ (編按：答中冇獎…)

嘖！真係小喇叭！初初諗住今日至多搞兩三粒鐘啦，點知… 一搞搞左成五六個鐘！小！不過，都搞得好開心。亦都令我好鬼期待之後既野。
 天！今日熱 Q 到想死，好彩尋晚冇飲咁多，如果唔係… anyway~ 係地龍站閃左出黎，見天口咁叉熱，咪走去七仔買左枝金桔檸蜜狂飲 + 幾本 _ 書，等我可以一路等一路 _ 笑。等左一陣， o的人卒之黎齊，咁咪走去食左個清湯腩麵先… 嘩！正到暈！腩肉入口即融，麵條爽滑又彈牙。簡直就係饑饉三十之後， o的人狼吞虎嚥一樣！

咩叫 ”土立索”？
“士立索” 咪即係… Snap Shot – To take a quick picture 咁解 o羅。其實我本身就唔係太中意玩 snap shot，除非去旅行。點解？嘩，冇奶油用部 Nikon D200 去玩 snap shot 呀？好 o徒料姐~ 再者，我隻 “豬嫂” 腳架又唔係咁重，出得出影，緊係要 set 好 o的，影好 o的先對得住自己啦！
最初，我只係用 Nikon D100 + 24-85。未算最 perfect，但都好夠玩。我嘛，叫做影過下維港、赤徑、南生圍、大甫滘、白泥、九龍公園、香港公園同埋山頂咁囉。最想其實係去米甫，但因 “架生” 唔夠堅同埋懶去攞 pass，所以至今都未去…

近期比較流行既玩具，唔使問阿貴都知，山口式 Revoltech 緊係其中之一啦。山口式 Revoltech 由上年年中開始係日本首賣，即刻因為佢獨有既 ball joint 設計同埋其超高既可動性而深深地吸引住一大班玩具 “蕃薯”。因為 Revoltech 啲關節係用 ball joint 連住，咁每一隻 Revoltech figure 都可以擺到好多普通玩具擺唔到既 “甫士”。
而我自己就買左… 三一萬能俠一號 (Getter 1)、二號 (Getter 2) 同埋三號 (Gettter 3)；帝皇萬能俠 (Mazin Kaizer)；Eva 零號機、初號機、二號機、量產型翼版同武器版；大鐵人 (Giant Robo) 同埋 GR II；柯柏文 (Convoy)、店頭特別版既馬格斯同麥加登 (Megatron) ；機動警察隻鷹頭獅 (Griffon) 同埋宇宙飛龍隻金鋼 (Gaiking)。另外再加 Figure 王送既透明版 Eva 光之巨人。
 

Magic: The Gathering (簡稱：MTG)，中文則譯做魔法風雲會。距離現今十四年前，由美國人 Richard Garfield 博士所創立之 Wizards of the Coast 所發行。MTG 是現今所流行的 CCG (Collectible Card Game) 中最受歡迎及普及的一種。基本上，每一張啤均可以用作收藏、買賣、交換或玩樂。及後，因互聯網開始普及，Wizards 亦不甘後人，開發出網上版 Magic 即 Magic: The Gathering Online (MTGO)。
MTG 基本玩法係兩位或以上玩家扮演魔法師，利用有限既資源 (地啤) 去司展魔法 (Spells) 用以擊倒對手。每人可以在他自己擁有的卡啤存庫中，選擇包合地啤及魔法卡在內的卡啤，組成一套上限六十張啤的 “套啤”作玩樂之用。每位魔法師會以回合制方式，設置資源及司放魔法。資源啤，亦即地啤，可分為六大類：平原 (Plains)、森林 (Forest)、高山 (Mountain)、海島 (Island)、沼澤 (Swamp) 等五大基本地 (Basic Land) 及其他非基本地。而魔法則可分為生物 (Creature)、術法 (Sorcery)、即時魔法 (Instant)、神器 (Artifact)、及結界 (Enchantment) 等五大類。每種魔法大致可以稀有度在個分為三大類：普通 (common)、不普通 (uncommon)、稀有 (rare)。基本上，一副 “套啤” (deck) 有六十張啤，大約用上三分之一作為資源啤。因為每次遊戲前，必須把套啤洗均及可讓對手 cut 啤以增加玩家在抽啤時的隨機性及公平性，所以一副套啤內就算有大量稀有卡啤也未必有十成勝出把握；同樣地，如果缺小或沒有太多稀有卡啤也未必等如必敗。

經過昨晚一輪膽顫心驚既攻防戰，今日心情就好似出面咁 – 天朗氣清… 之但係又未見得到藍天白雲喎。因為，好明顯此乃需要過五關斬六將之長久戰事，所以重未可以透下氣。而事實上，因為某某大人物既提議而攪到依家好似倒瀉籮蟹咁。哈，有時好多野都好似整定係你既，就係係你既，要避都冇得避。哎呀… 忽然想起… 今年冇得去旅行添… 好鬼慘情呀~~~！
講返正經野，而家只淨低最後一度防線，擺平埋就可以中場休息。但實情係，今天的短暫終結，只不過係為準備明天一連串密不透風既餘下戰事。換句話說，真正既戰斗仲未開始！而家，國家資料局個部 “蕉級甘標他” 己開始運作，不斷在互聯網上搜括高度機密資料以備戰下一輪忙得透不過氣既超級大戰…
 神呀… 請給我多一點時間…

今日終於的起心肝走去起返個 “薄洛格”。哈… 有乜好寫呢？我都未知。 或者得閒寫下玩具、寫下照像、寫下旅遊、寫下生活所碎咁囉。
話說，尼排特然好多事發生，多到差啲應付唔黎。 不過，現在總算全部搞掂，正。尼兩晚發生左好多心血小啲都頂唔順既事，跟住重有今晚！雖然係某人面前重可以扮下鎮定，但係今晚就唔知啦。希望唔好臨埋門一腳先踩波車啦。好緊張好緊張！如果平安毛事，過埋今晚一腳入龍，咁就有好多事要開始做，開始 get ready 啦。希望應付得黎啦。發夢都未想過成件事可以咁風回路轉，高潮迭起。
暫時講住咁多先，下回再續…