Magic: The Gathering (簡稱：MTG)，中文則譯做魔法風雲會。距離現今十四年前，由美國人 Richard Garfield 博士所創立之 Wizards of the Coast 所發行。MTG 是現今所流行的 CCG (Collectible Card Game) 中最受歡迎及普及的一種。基本上，每一張啤均可以用作收藏、買賣、交換或玩樂。及後，因互聯網開始普及，Wizards 亦不甘後人，開發出網上版 Magic 即 Magic: The Gathering Online (MTGO)。

MTG 基本玩法係兩位或以上玩家扮演魔法師，利用有限既資源 (地啤) 去司展魔法 (Spells) 用以擊倒對手。每人可以在他自己擁有的卡啤存庫中，選擇包合地啤及魔法卡在內的卡啤，組成一套上限六十張啤的 “套啤”作玩樂之用。每位魔法師會以回合制方式，設置資源及司放魔法。資源啤，亦即地啤，可分為六大類：平原 (Plains)、森林 (Forest)、高山 (Mountain)、海島 (Island)、沼澤 (Swamp) 等五大基本地 (Basic Land) 及其他非基本地。而魔法則可分為生物 (Creature)、術法 (Sorcery)、即時魔法 (Instant)、神器 (Artifact)、及結界 (Enchantment) 等五大類。每種魔法大致可以稀有度在個分為三大類：普通 (common)、不普通 (uncommon)、稀有 (rare)。基本上，一副 “套啤” (deck) 有六十張啤，大約用上三分之一作為資源啤。因為每次遊戲前，必須把套啤洗均及可讓對手 cut 啤以增加玩家在抽啤時的隨機性及公平性，所以一副套啤內就算有大量稀有卡啤也未必有十成勝出把握；同樣地，如果缺小或沒有太多稀有卡啤也未必等如必敗。

好，講完一大堆肺腑之言後，緊係要講下自己玩 MTG 既事啦！話說，我最初接觸 MTG 係因為… 我 o係我大佬 o係美國間屋到揾到一盒 4th Edition (簡稱 4 仔) 既 Starter Pack。我就係個時開始中毒… 由 4仔開始，繼而再瘋狂買入 5th Edition，Fallen Empire，Homeland，Urza Block，Ice Age Block，Weatherlight Block，IPA Block，直至依家既 Time Spiral Block。咭庫存量，已超過上萬張，當中包括真咭及網上咭。起初，我買咭返來只純為收藏之用，直到我 o係加拿大返黎港工作，先至係網上認識到一班志同道合既朋友們一齊玩 MTG。

 我對 MTG 可以話又愛又恨；愛係因為 MTG 本身既 mechanic 同埋玩 MTG 時既上千上萬種變化，使人樂此不疲繼續玩落去；恨係因為玩 MTG 要用好鬼多時間及精力去研究點樣砌一副最完美既 deck。話雖如此，但我仲係樂此不疲地繼續和一眾朋友們玩落去。

講開 MTG 就真係要講下 MTG 入面最出名既咭，Black Lotus 啦。尼張咭本身 o係 Alpha (初代 MTG) 入面既一張 Mono Artifact (即係唔洗比 casting cost)。佢出名既原因係因為玩家以零分就出到一張可以變出三度 mana 既神器，以速度計真係好快。而亦因為尼個原因，張咭就比人越炒越貴，最高大約去到 2500美金，即係差不多成兩萬港紙一張咭！簡直痴 Q 線。

唔知… 我仲會玩 MTG 玩到幾時？