近期比較流行既玩具，唔使問阿貴都知，山口式 Revoltech 緊係其中之一啦。山口式 Revoltech 由上年年中開始係日本首賣，即刻因為佢獨有既 ball joint 設計同埋其超高既可動性而深深地吸引住一大班玩具 “蕃薯”。因為 Revoltech 啲關節係用 ball joint 連住，咁每一隻 Revoltech figure 都可以擺到好多普通玩具擺唔到既 “甫士”。

而我自己就買左… 三一萬能俠一號 (Getter 1)、二號 (Getter 2) 同埋三號 (Gettter 3)；帝皇萬能俠 (Mazin Kaizer)；Eva 零號機、初號機、二號機、量產型翼版同武器版；大鐵人 (Giant Robo) 同埋 GR II；柯柏文 (Convoy)、店頭特別版既馬格斯同麥加登 (Megatron) ；機動警察隻鷹頭獅 (Griffon) 同埋宇宙飛龍隻金鋼 (Gaiking)。另外再加 Figure 王送既透明版 Eva 光之巨人。

 基本上，以百零放貨仔黎計，我全部 Revoltech 都好滿意。尤其係帝皇。真係只可以用一個字黎形容… 型！

而家，我最其望海洋堂會出山口式 Revoltech 既金鋼飛天鑽或者戰士高迪安！一定型到死！

 真係唔知要等幾耐…