Posted by: 毛明 on: 六月 26, 2007
二千零七年六月十二日，朝早七點幾，已步出飛機，我地都過埋海關。我係運輸帶等行理等到吽 Q 左，因為原來個日有個台灣既遊學團，成班 o靚仔 o靚妹吱吱 o左 o左煩到死。之後，我同我既 “肥安西” 攞住 o的行理行出巴黎戴高樂機場。然後跳上婚紗公司一早安排好，接我地去酒店既的士上面。係酒店 lobby 見埋將會幫我地影結婚相既攝影師太太同 check-in 埋之後，我地就準備向巴黎市出發！
Posted by: 毛明 on: 六月 22, 2007
我對今次影結婚相既第一個感想係… 辛苦，朝朝要晨咁早起身，晚晚又勁夜訓，勁唔夠精神。不過就好好玩同埋都好值得去既。因為：
Posted by: 毛明 on: 六月 20, 2007
終於回來了… 第一個感想係… 好很累呀！想汁下 o的相，但對眼好很痛呀！我地十一號去，十二號朝早到巴黎，跟住十八號走人真係幾趕幾衝忙。今次旅程都好開心，又可以影靚相，又可以去旅行，又可以探朋友，簡值一舉數得！
Posted by: 毛明 on: 六月 11, 2007
唔知點解，今日 (六月十日) 我同女朋友都心情異常地緊張加興奮，可能係因為仲有廿多個鐘我地就要出發啦… 出發去巴黎… 去影相呀！有大約一個星期唔會係香港… 會有一段時間冇得 blog o野，會掛住我嗎？卡卡卡。我相信，有好多人都會認為… o車！去巴黎影相好巴閉咩？冇乜特別 o者。之但係…… 我地係去…
去影結婚相呀！哈哈。大家冇聽錯，我地的而且確係去巴黎影結婚相。簡單 o的講，係呀，我地要結婚啦！不過大家先前估既野就中 o的唔中 o的咁啦。
因為開 “薄洛格” 之日唔係求婚之日，而係去同未來外父外母講我想娶佢個女。求婚之日嘛… 都有一段時間架啦。之後個大戰係雙方家長見面咁囉，可以話真係勁擔心。
尼段時間真係忙到扒街，又要去會展睇婚紗 show，又要去試衫影相，更加要買鞋買剩以準備去巴黎影結婚相。不過，話哂都係一生人一次咁多，忙少少都冇所謂啦。而家最希望係… 影結婚相 o個幾日會好好天啦。 雖然今次只係去得一個禮拜到，不過意義就好鬼重大。對女朋友黎講就更甚，因為佢係第一次去歐洲就係去影結婚相。
好！一個星期後見！返到黎先再寫影後報告。拜拜！
Posted by: 毛明 on: 六月 9, 2007
眼見近排內地股市同香港股市發癲咁又升下又跌下，好似坐過山車。內地股民更一日多過一日，就連農夫都唔種菜而走去炒股。股市有一句名句，當連掃地既人都走去炒股，咁股市好快會跌。終於，近日因內地政府使出一招必殺技，內地股市就勁幾個巴仙。所以，股票唔係咁易玩。
Posted by: 毛明 on: 六月 8, 2007
如果，要問我家陣有咩想同我的那個她講，我諗一首歌足以表達一切。
既然係咁，我就籍住尼個機會送下面首歌比佢同比所有熱戀中而又打算結婚既人聽。
Posted by: 毛明 on: 六月 6, 2007
數個月前某一日，自己一枝公毛 q 聊聊咁行開旺角信和，係三樓某間租柜鋪門外行過見到寫住 “自創 Q 版公仔，全部人手打做” 尼十一個大字既標貼。跟住再望下 o的公仔相，腦海入面慢慢咁爆現出 “我自己都去 ‘疴打’ 返個比自己” 既思念…
最近的回應