我對今次影結婚相既第一個感想係… 辛苦，朝朝要晨咁早起身，晚晚又勁夜訓，勁唔夠精神。不過就好好玩同埋都好值得去既。因為：

第一日，天氣勁好。我地晨早六點幾起身，梳洗完跟住食埋早餐化埋妝就去凡爾塞宮影，去到有好多遊客見到我地以為我地當日結婚，不斷恭喜我地同又同我地影相，好似變左一個景點咁。入到花園即刻哇左一聲，因為真係又大又靚！我地影左一個上午就係求其去老麥食個晏仔。之後返翻巴黎市，第一度去左凱旋門，之後去艾非爾鐵塔。去完就揾左個地方換衫，之後再去阿歷山大橋。點知影完就開始落雨加太多車，變左先返酒店休息而取消去聖母院。雨停左見天未黑就衝去羅浮宮跟住再影 o的街景就去食晚飯。

第二日仲甘，五點幾要起身，因為要去離巴黎市約三個鐘車程既羅亞爾區影城堡照。九點正準時出發，去到第一個城堡… Château d’Amboise。去到都成十二點，所以先開餐，食完就開始影。入城堡前有條斜路，o的西人見到我地又好似尋日係凡爾塞宮咁以為我地結婚，不斷恭喜我地同又同我地影相。入到城堡影個種感覺真係好唔同，最感以外既係我地係室內都可以落埋腳架，移埋人地 o的圍欄入去用 o的擺設做佈景。真係諗都冇諗過可以咁影！之後，我地又去左 Château de Chenonceau。個度就冇咁 free，除左可以揸架車入去之外。係 Chenonceau 城堡我地就有得入去影，不過個花園都好靚。先比幅相大家睇下。

影完兩日，真係人都散埋。好好彩兩日都冇乜落大雨，如果唔係就大銀獲。亦好多謝攝影師夫婦兩人，真係辛苦哂。而家… 好期待七月中睇相。

我左面 column 個地圖就記載左今次既旅程啦。