夜半毛人私語時

 啱先今晚睇左 Transformer… 因為冇乜期望，所以亦毛乜失望，反而比到些小驚喜我添。除左打鬥場面有如我一個朋友所講，打到成 pet 野咁之外，o的笑位其實都算幾多。中段有小小冷場，不過都可以接受。結尾，除左 Starscream 冇死之外，其實係卡塔隻蝎子都應該未死，不過 Megatron 就死得… 兒戲左 o的啦，另外亦估唔到連 Jazz 都要死！隻 Soundwave 就樣衰左小小。至於不合理既地方… 你當自己睇緊卡通片咪得囉。
值唔值得入場睇？我覺得… 可以一睇既，比腦袋放下假。

毛… 一個好簡單，仲得個四劃既字。竟然係我個兩個字既網名既第一個字！？有人或者會覺得毛都係污糟核突野，但係我編偏用尼個字個網名！？唔通… 我係心理變態？咔咔咔…
源由久遠呀， 源由久遠呀… 話說，N年前互聯網先剛剛多人上，個時仲未有乜 q MSN 呀，Yahoo 呀，Skype 呀咁。不過就有 “艾詩蕉” ICQ… 咁上 “艾詩蕉”要比返個網名。咁當其時冇話什麼彩虹邊的雨雲，又或乜 Q ”型英帥靚正” o的咁 Q 古怪既名。 (編按：自己諗唔到就賴…) 所以自己字筆行起左個名叫 “無明”，即係話乜 Q 都唔明… 又可以話無野唔明，都不知幾好。用左一排，係朋友間比人起左個花名叫阿毛，就咁 “無明” 就變左做 “毛明” 啦！ 係咪好正呢？卡卡卡~~~ XDDDD

由 Goo Goo Dolls 唱, 係舊戲 – City of Angels 入面既主題曲. 一開始, 首歌既歌詞好有不愛江山愛美人既感覺, 亦正正帶出套戲既主題. 幾好聽, 幾好聽. 

股市, 不樓都係你有閒錢時想投資既一個出路. 不過, 尼排個市就比 o的唔多識市場運作既人炒到興哂! 就好似上星期五先上市既匯豐祥龍基金, 上左兩日竟然比炒到上最高 $17.82… 升 78%! 業績又冇, 又未知買左咩野股, o的人有冇咁 Q 痴線呀!? 終於尋日跌翻, 得 $14.8, 今日都仲要跌. 大佬, 基金係中長線野黎架, 雖然係有大陸因素, 但係有冇咁好炒呀?
周不時都聽人講, 當賣菜個阿伯都學人炒股… 個股市都不見得健康. 尋日搭的士, 個司機親下午市未開就打電話比經紀… 買期紙即日鮮… 個心態就好似去賭場買大細咁! 唔該揸好架車先啦! 因住有錢冇命享呀!
所以話, 香港人真係好善忘, 咁快唔記得上次泡沬爆破. 今次真係就快全民皆股.
 正所謂: 股市有升有跌, 凡事皆量力而為.

好 N 多年前, 係溫哥華時, 有日一路揸車一路聽 Z95.3 FM 毛意中聽到尼首由 Journey 唱既歌. 之後就周圍咁去揾隻碟返黎. o的歌詞真係好正 o架, 個主音把聲又掂. 你都聽下啦. 

 
首歌個意景正正就係一見鍾情既 feel…
尤其是段 Chrous…
I knew I loved you before I met you
I think I dreamed you into life
I knew I loved you before I met you
I have been waiting all my life
突然諗返起, 以前係溫哥華揸車返大學時, 日日都開 Z95.3 FM 電台聽英文歌… 而家返左香港反而小左聽英文歌…

尋日我同佢都攞左半日假，走去對面海婚紗鋪睇翻 o的巴黎結婚相… 其實之前上個禮拜已經睇左同分左一半到既相，咁我地諗住原本唔使幾耐就可以攪掂走人，點知竟然由下午兩點鐘睇到夜晚九點幾！(因要睇成三百幾張新相，分類，再選邊張入相簿，邊張只要相底… 又… 又要重新再翻睇一次之前 o個三百張分左類既相…) 睇完真係有 o的想嘔既感覺。眼都矇埋添呀，陰公！
不過，老老實實，o的相又真係好靚，尤其是係古堡入面影 o個 o的。真係正到嘩嘩聲兼要碌大左對眼去睇清楚。睇相過程好長，但好開心。
結果埋單係要左比心目中想要既數目多左 o的，搞到有小小超出預算。不過… 都係值得既。
ps. o的相要成十一月先有得攞，真係想快 o的到十一月呀… 嘻嘻！

一見鍾情…
即係一男一女碰埋見到對方第一眼就鍾意左對方！ 
咁… 現今尼個世代，究竟有幾多人相信一見鍾情？又有幾多一見鍾情可以開花結果? 我唔知，我又唔係 o的乜 Q 白姐姐、乜乜白先生。我只不過係一個平凡過平凡既普通人，不過就唔知點解我同尼四個字結下些小姻緣。就係，我同我未來老婆或多或小可以稱得上係一見鍾情… 掛。詳細唔講啦，不過我地就其實都只不係見過幾次、出過幾次街、同埋講過幾次電話就一齊左。而家諗返起就連自己都嚇左一跳。真係估唔到當初自己咁大膽作出尼個決定！最估唔到既係… 成三十有多歲仔都因為衰怕羞、衰冇膽而搞到冇拖拍既我 o個竟然叉大膽！真係講都冇人信！！！
點都好，而家都拍左一年有多，而又下年年頭就結婚。心情… 真係好緊張、好興奮！
世事，好多時都好奇妙。:D