尋日我同佢都攞左半日假，走去對面海婚紗鋪睇翻 o的巴黎結婚相… 其實之前上個禮拜已經睇左同分左一半到既相，咁我地諗住原本唔使幾耐就可以攪掂走人，點知竟然由下午兩點鐘睇到夜晚九點幾！(因要睇成三百幾張新相，分類，再選邊張入相簿，邊張只要相底… 又… 又要重新再翻睇一次之前 o個三百張分左類既相…) 睇完真係有 o的想嘔既感覺。眼都矇埋添呀，陰公！

不過，老老實實，o的相又真係好靚，尤其是係古堡入面影 o個 o的。真係正到嘩嘩聲兼要碌大左對眼去睇清楚。睇相過程好長，但好開心。

結果埋單係要左比心目中想要既數目多左 o的，搞到有小小超出預算。不過… 都係值得既。

ps. o的相要成十一月先有得攞，真係想快 o的到十一月呀… 嘻嘻！