4 | 森美
九月 14, 2007 at 5:50 pm

今日學完點玩，其實意念同遊戲王好似，但多咗地圖移動。

一副牌40張(牌庫)，英雄卡放中間營地，手上有6張卡，英雄可以依「速度」值行幾格去狩獵其他人嘅怪，遇怪時，如果Area內有多於一隻怪，對方可選擇開邊隻同你打，然後比攻防值，英雄輸咗就要返屋企(一局內只可死三次)，例如防禦少過隻怪嘅攻10點，就要捨棄內10張卡，贏咗就賺到隻怪嘢分數，但對方死咗隻怪，就得到「犧牲分數」。戰鬥中任何時間都可以用特效卡片(如強走藥)，加強能力。

之後係計分數，大家都有一條分數條，除咗殺怪得分外，喺自己陣地內未被打倒嘅怪每隻都可以為地主升1分。

然後可以布置自己嘅怪物，再跟住捨棄手中冇用嘅卡片同抽卡，注意手中最多6張，牌庫40張玩完亦冇得再換。跟住可以用犧牲分數嚟裝備武/防。

一Turn完成。重覆。

玩到有人得20分就終局。