Posted by: 毛明 on: 十月 31, 2007
哈佬喂？唔係海浪公園 o個個。係萬聖節 Halloween 咁解。亦即係西人既鬼節。尼日大人細扮鬼扮馬，挑南瓜，攞糖食。
我仲記得以前係溫哥華住，每年尼一日，一家大細就好開心。因為個個細佬扮鬼扮馬咁返學校去玩 Halloween Party。晚黑又可以逐家逐戶拍門 “Trick or Treat” 問人攞糖食。見人地門口個南瓜有燈即係仲有糖，冇燈即係派哂。全年仲係得尼一日可以玩放煙花！只要揾到空地或自己屋企範圍內就可以放。以前，我屋企附近有一家人，年年車房門口總會有有一個小型煙花聚會。一定會有好多人國埋黎睇。
我都… 六年冇係溫哥華過 Halloween 啦。
今日就係啦。
Trick or Treat!
Posted by: 毛明 on: 十月 30, 2007
上星期終於買左 EOJ 連 Booster 返屋企玩。將張咭幻化做一隻虛擬怪物真係幾得意。係 card profile 又可以搞下佢。雖然其實係 low tech 扮 high tech。 好易比人破解左個秘密。
Online play 唔太差。幾順暢。不過衰在唔可以開 private room。一開 room 想 invite 朋友就比其他人入左。隻眼代替用咪上網同人傾計呢個設計好。
冇 single play 又好似小咁 o的野…
o的 booster pack 香港 Sony 訂價訂得大高！差差差！
總括而言，值得一試。
ps. 其待下一隻用 PS Eye 玩既 game。
Posted by: 毛明 on: 十月 9, 2007
近日迷上左玩 Facebook… www.facebook.com 一個類似 Friendster 之類既網上尋友工具。點解迷上？
1 – 有好多搞鬼既 applications… 最迷既係 Warbook… 係到都識左 o的朋友
2 – 有好多朋友上左，自己又開左幾個 private group 只招待自己朋友。
3 – 最後，亦係最重要，我揾到好多 lost friends… 有小學朋友、有中學同學、有大學同學、更加有同事！
唔知你又可唔可以揾到你 o的 lost friends 呢?
Posted by: 毛明 on: 十月 3, 2007
三個月… 毛錯係仲有三個月。乜野仲有三個月。咪就係仲有三個月就要做老襯囉！尼排成日都係到忙緊 o的細節，汁緊個 excel file… 約緊親朋戚友… 等緊睇結婚相簿 layout 同埋 video。亦因為成日同老婆搞尼壇野，所以成日有小小嘈交。當然，我唔會為左尼 o的小事而上心。事實上，有幾多人到尼個時候唔會唔嘈？有，不過好小囉。再者，老婆係要黎鍚，而唔要黎鬧既。再再者，佢勞氣都係因為緊張姐，話哂人生大事，緊張 o的都明既。再再再者，小小嘈交就上哂心，咁等時點算？做人放輕鬆 o的就冇事啦。
點都好啦，我都要係到同佢講句… 多謝老婆！多謝你為我人生加多點色彩。
最近的回應