近排沉迷左一隻 PS3 驚… Demon’s Soul.

隻驚個背景故事都係啲老乜土某某國王因為過份追求權力, 因而打開左某某大魔王之封印, 使到國家一夜間比白色迷霧所吞食… 有好多扮英雄既人走入白色迷霧, 但冇一個走得返出黎除左一件… 佢話比世界知王國入面發生乜野事… 依家魔王利爪已經慢慢向世界其他地方漫延緊… 身為主腳既你就扮英雄咁踏入白色迷霧之中… 究竟你真係英雄定係變成另一個魔王? 玩過你就知!

段 Trailer 非常之正豆!

隻驚係非常之 hardcore… 話佢 hardcore 係因為隻驚係非常之容易死! 一開始,主脚以肉身走入白霧… 比大佬打死會變成打死會變成靈魂… 靈魂狀始血得返一半… 而且死左要執屍, 否則之前賺到既惡魔之去魂 (即係 $$$) 就冇 Q 哂. 啲魂好 Q 有用架… 又可以升主腳 lv… 又可以用黎用草藥、道具、武器,又可以用作升武器等級. 所以如果冇哂係都咪話唔橙.

隻驚啲大佬都幾特別… 好似 1-1 大佬 Phalanx 就隻巨型史來姆 (Slime) 生好多隻史來姆隻, 每隻仔都揸住盾同槍… 大佬一出場時比我第一個感覺係… 戰狼300 個王同佢班圍埋一齊對抗波斯王咁樣! 其他大佬又好有特色… 例如 Tower Knight = Archille’s Heel… 又有飛龍、又有巨像等等…

隻驚既難易度係會因應玩家而有所改變. 尼個系統叫做 World Tendency (後稱 WT)… 每一關都有其本身既 WT… 不斷打死大佬或者招喚其他玩家靈魂 (一陣先講 multiplay…) 一齊打大佬可以升 WT… WT 升到一定數, 個世界會變白… 咁啲敵人會渣啲渣啲同埋可以開到特別 event. 相反亦然… 如果以肉身不斷死或者走去 PK 其他玩家, 個世界會洗黑. 敵人會勁啲同埋可以開到黑世界專有 event.

好… 就嗡下 multiplay… DS multiplay 其實幾煩… 佢係用靈魂召喚大法. 亦即係召人個玩家要係肉身狀態先至可以人召到靈魂狀態既其他玩家… 亦即係不同其他驚, 佢冇 multiplay lobby 等埋朋友仔打. 某程度上幾 random play 架. Online 仲有係可以留言比其他玩家或者睇下其他玩家點死; 有時又可以見到靈魂玩家 (白色鬼魂)去黎走去打下野; 最後就係入侵其他肉身狀態玩家既世界玩 PK. Multiplay 最大敗筆係… 冇得 voice chat… 不過又咁諗… 你試下同隻鬼傾計… 諗起心都寒埋!

最後, 因為隻驚係用英文講故仔… 有錢既不防買隻玩下, 感受下隻驚有幾黑暗.