夜半毛人私語時

二千零七年六月十二日，朝早七點幾，已步出飛機，我地都過埋海關。我係運輸帶等行理等到吽 Q 左，因為原來個日有個台灣既遊學團，成班 o靚仔 o靚妹吱吱 o左 o左煩到死。之後，我同我既 “肥安西” 攞住 o的行理行出巴黎戴高樂機場。然後跳上婚紗公司一早安排好，接我地去酒店既的士上面。係酒店 lobby 見埋將會幫我地影結婚相既攝影師太太同 check-in 埋之後，我地就準備向巴黎市出發！

仲只淨返一個禮拜就要去巴黎 – 我第三次去歐洲既目的地。雖然淨係去一個禮拜到，唔算好多日，不過心情都係好緊張好期待。相比起上兩次去歐洲，今次既目的都幾唔同。尼次去巴黎有幾個目的，探我個嫁到去法國既小學同學、搜尋外國現時流行既廚房用具、旅遊充電同埋去影相。 今趟旅程頭尾加埋不過七日多 o的 o的，不過意義就真係唔講得笑。頭幾日行程應該會幾緊密。不過好彩坐車既機會都幾多，希望唔會太辛苦啦。其實，辛唔辛苦都係次要，有冇好天氣比我影相先至最令我擔心。話哂千里迢迢加上長途跋涉咁走去法國旅行加影相，如果天氣唔好真係揾黎搞。望住個黑 q 哂既天，去旅行心情都唔慌會好得去邊啦，如果仲要落狗屎，成 q 日 “lay” 係室內冇得影相既話，我真係想炳人都似。再者，o個面 o的氣溫溫差咁 q 大 (15 ~ 25 度)，搞到我都唔知帶乜衫去好，小！又，我要帶成幾 “gip” 野過去，都唔知到時上飛機會唔會超重，小小小！  今日小住咁多先，去完返黎如果仲想小先再小過！