夜半毛人私語時

相信有玩過 Monster Hunter 系列既人應該好多下。尤其是 PSP 版既 MHP 同埋 MHP2 因為可以上 xlink 揾人打，所以比係 PS2 上網方便，又唔使月費。 當 Capcom 出左 PSP 隻 MHP2 之後，佢地竟然 pat pat 痕，走去出左套 MH 卡片遊戲。 官網於此 http://www.capcom.co.jp/toyandhobby/monsterhunter_tcg/ 此卡片遊戲目的是擊殺對手玩家所放出黎既怪獸，以此升武器、防具及 Hunter Rank 值。HR 最快升到 20 就算勝利。每位玩家要放一張地圖黎比玩家個 hunter 走黎走去。詳細我唔講啦，我部唔識玩。o的卡既畫功就幾靚。係某個 forum 就好多人玩…

尼排見毛聊得濟… 走左去買隻山口式 Toro 貓加 Special Edition Designer Chair 加雪糕食玩… 咁就得出 Toro 一面訓係張椅到一面食雪糕既 o難世界相啦… kakaka

近期比較流行既玩具，唔使問阿貴都知，山口式 Revoltech 緊係其中之一啦。山口式 Revoltech 由上年年中開始係日本首賣，即刻因為佢獨有既 ball joint 設計同埋其超高既可動性而深深地吸引住一大班玩具 “蕃薯”。因為 Revoltech 啲關節係用 ball joint 連住，咁每一隻 Revoltech figure 都可以擺到好多普通玩具擺唔到既 “甫士”。 而我自己就買左… 三一萬能俠一號 (Getter 1)、二號 (Getter 2) 同埋三號 (Gettter 3)；帝皇萬能俠 (Mazin Kaizer)；Eva 零號機、初號機、二號機、量產型翼版同武器版；大鐵人 (Giant Robo) 同埋 GR II；柯柏文 (Convoy)、店頭特別版既馬格斯同麥加登 (Megatron) ；機動警察隻鷹頭獅 (Griffon) 同埋宇宙飛龍隻金鋼 (Gaiking)。另外再加 Figure 王送既透明版 Eva 光之巨人。  

Magic: The Gathering (簡稱：MTG)，中文則譯做魔法風雲會。距離現今十四年前，由美國人 Richard Garfield 博士所創立之 Wizards of the Coast 所發行。MTG 是現今所流行的 CCG (Collectible Card Game) 中最受歡迎及普及的一種。基本上，每一張啤均可以用作收藏、買賣、交換或玩樂。及後，因互聯網開始普及，Wizards 亦不甘後人，開發出網上版 Magic 即 Magic: The Gathering Online (MTGO)。 MTG 基本玩法係兩位或以上玩家扮演魔法師，利用有限既資源 (地啤) 去司展魔法 (Spells) 用以擊倒對手。每人可以在他自己擁有的卡啤存庫中，選擇包合地啤及魔法卡在內的卡啤，組成一套上限六十張啤的 “套啤”作玩樂之用。每位魔法師會以回合制方式，設置資源及司放魔法。資源啤，亦即地啤，可分為六大類：平原 (Plains)、森林 (Forest)、高山 (Mountain)、海島 (Island)、沼澤 (Swamp) 等五大基本地 (Basic Land) 及其他非基本地。而魔法則可分為生物 (Creature)、術法 (Sorcery)、即時魔法 (Instant)、神器 (Artifact)、及結界 (Enchantment) 等五大類。每種魔法大致可以稀有度在個分為三大類：普通 (common)、不普通 (uncommon)、稀有 (rare)。基本上，一副 “套啤” (deck) 有六十張啤，大約用上三分之一作為資源啤。因為每次遊戲前，必須把套啤洗均及可讓對手 cut 啤以增加玩家在抽啤時的隨機性及公平性，所以一副套啤內就算有大量稀有卡啤也未必有十成勝出把握；同樣地，如果缺小或沒有太多稀有卡啤也未必等如必敗。