Posted by: 毛明 on: 十一月 25, 2009
話說小B頭唔覺唔覺咁就已經係一歲人仔啦… 時間做乜過得咁快?
由佢瓜瓜落地至到學識返身… 爬爬… 比比… 到而家牙牙學語,諗返起都不其然暗嘆世事奇妙.而家我最希望既係小B可以健健康康,快快樂樂咁長大就好啦.
最後要講既係… 老婆,多謝你~
Posted by: 毛明 on: 十二月 19, 2008
小寶寶今日滿月啦~
我地終於幫小寶寶改左名… 叫蘇錦熙… 係嗰個蔡伯勵改既… 不過爸爸係科左 2800大元！嗚鳴… :*(
其實爸爸原本想改蘇錦曦… 不過爸爸既爸爸認為此曦太深，好難寫… 所以改這熙… 比較易寫…
Posted by: 毛明 on: 十一月 25, 2008
小寶寶出生第三天因為身仔變黃,所以要剝哂衫褲仔訓箱照燈仔… 豬媽為左方便餵人奶,所以決定留院多一兩天…
終於尋日驗左… 5 度幾，可以返屋企…
Posted by: 毛明 on: 十一月 23, 2008
那是十一月中一個天朗氣清的早上~
小寶寶終於急不及待… 從媽媽個肚仔度偷偷跑出黎見識見識呢個世界…
小寶寶… 快啲同啲睇緊呢個 blog 既大哥哥同大姊姊 say Hi~ 啦。
Posted by: 毛明 on: 十一月 11, 2008
今日豬媽又去左覆診… 小寶寶依家已經有 5 磅 9 安士重，小寶寶真係超突然重左好多… 對上個次都只不過係 3 磅 12 安士重。小寶寶真係超利害! 但係又發現到豬媽個胎盤開始鈣化… 即係可能唔夠營養… 小寶寶好有可能好快就要出世，好彩要買既野都買左… 依家只希望豬媽同小寶寶都可以健健康康!
下一次覆診係一星期後…
既然係咁… 不如換一換個 layout 先…
Posted by: 毛明 on: 十一月 7, 2008
時間過得真係好Q快，話都冇咁快就11月頭…
咁咪淨低差唔多一個月貨仔阿小寶寶咪要出黎看世界！
真係快手。
尋晚毛聊得滯走去張隻耳仔貼住阿豬太個肚仔去聽阿B仔游水… (編按:做乜一句入面咁Q多個仔字!?)
意然比阿B仔伸咗我幾腳！
尼個小B仔未出世就咁曳曳，咁出左黎咪仲丈餐！
Oh My Fxxking God!
Posted by: 毛明 on: 十月 31, 2008
毛驚毛險咁就小寶寶已經係豬媽個肚仔入面住左三十四週啦，仲有唔使幾耐小寶寶就要出黎見見啲世叔伯。小寶寶依家只係大約三磅十二安士重好彩，未算超大隻，希望遲啲會大隻啲啦，唔係既話豬媽又有排擔心啦。要買既野都買齊咁濟，奶粉都諗定要買邊隻，走鬼袋又執好左。依家唯有慢慢等下啦。
近排空閒左，得閒都係屋企打下機，上下網咁，毛所事事。遲啲就真係有攪冇得訓!
Posted by: 毛明 on: 十月 21, 2008
今日係豬太肚仔入面個小生命已經 33 週啦。所有媽媽入院前要買既野都準備好，只差未搞臍帶血… 應該下星期搞埋佢。我都有好多朋友仔生左小 BB。一個早兩星期，一個早三星期添，搞到豬太有小小擔心。豬媽今日去左剪頭髮… 依家豬媽變左… 冬菇頭… 嘻嘻嘻…
下星期二又要覆診啦，唔知到時小寶寶幾重呢？
最近的回應