夜半毛人私語時

尋日毛聊同老婆毛聊冇野做，於是決定去睇戲。見色，戒個卡士唔錯，又攞左獎，心諗應該唔錯啦。點知入到戲先知… 中計！ 第一個我諗到去形容套戲既字係 – 爛！ 我自問冇乜藝術氣色，所以我實在唔知係咁睇住男先生同王小姐係咁上床有乜好睇。王小姐為左自己中意既人而去乜乜。更覺得廣先生毛聊得可以。為左報仇連自己中意既人都推去死。 說實在，我除左睇到一大推性愛鏡頭之外就唔知有乜好睇。女主角個心諗緊乜野？為乜佢會中意左易先生呢？易先生又諗乜野呢？點解咁中意王小姐？ 原來… 愛情愛情… 先有做愛，後才談情？ 其實係乜野戲？愛國愛黨戲？

 啱先今晚睇左 Transformer… 因為冇乜期望，所以亦毛乜失望，反而比到些小驚喜我添。除左打鬥場面有如我一個朋友所講，打到成 pet 野咁之外，o的笑位其實都算幾多。中段有小小冷場，不過都可以接受。結尾，除左 Starscream 冇死之外，其實係卡塔隻蝎子都應該未死，不過 Megatron 就死得… 兒戲左 o的啦，另外亦估唔到連 Jazz 都要死！隻 Soundwave 就樣衰左小小。至於不合理既地方… 你當自己睇緊卡通片咪得囉。 值唔值得入場睇？我覺得… 可以一睇既，比腦袋放下假。