夜半毛人私語時

至從秋官係演過毛線劇 – 大時代 – 之後股市大瀉, 股市就有個叫做秋官效應 – 即係每次秋官有新劇上, 個股市就跌過九彩. 今次都唔例外, 由最高二萬三千跌到今日破二萬點! 秋官效應都唔可以話唔利害!  但係, 今日絕對係大戶玩野日! 上午跌左六百幾, 下就再跌過千二點! 點知臨尾個零鐘一口氣升近千點! 痴孖根. 如果有人係千二點果時走左股票個 o的直頭喊到媽媽聲! 沽期指既更加大 Q 鑊. 雖然個市都係淨係得大戶玩哂, 但唔使玩到咁呀? 今次真係玩死好多人! 個市唔知仲要玩幾耐呢?

股市, 不樓都係你有閒錢時想投資既一個出路. 不過, 尼排個市就比 o的唔多識市場運作既人炒到興哂! 就好似上星期五先上市既匯豐祥龍基金, 上左兩日竟然比炒到上最高 $17.82… 升 78%! 業績又冇, 又未知買左咩野股, o的人有冇咁 Q 痴線呀!? 終於尋日跌翻, 得 $14.8, 今日都仲要跌. 大佬, 基金係中長線野黎架, 雖然係有大陸因素, 但係有冇咁好炒呀? 周不時都聽人講, 當賣菜個阿伯都學人炒股… 個股市都不見得健康. 尋日搭的士, 個司機親下午市未開就打電話比經紀… 買期紙即日鮮… 個心態就好似去賭場買大細咁! 唔該揸好架車先啦! 因住有錢冇命享呀! 所以話, 香港人真係好善忘, 咁快唔記得上次泡沬爆破. 今次真係就快全民皆股.  正所謂: 股市有升有跌, 凡事皆量力而為.

眼見近排內地股市同香港股市發癲咁又升下又跌下，好似坐過山車。內地股民更一日多過一日，就連農夫都唔種菜而走去炒股。股市有一句名句，當連掃地既人都走去炒股，咁股市好快會跌。終於，近日因內地政府使出一招必殺技，內地股市就勁幾個巴仙。所以，股票唔係咁易玩。