夜半毛人私語時

近日迷上左玩 Facebook… www.facebook.com 一個類似 Friendster 之類既網上尋友工具。點解迷上？  1 – 有好多搞鬼既 applications… 最迷既係 Warbook… 係到都識左 o的朋友 2 – 有好多朋友上左，自己又開左幾個 private group 只招待自己朋友。 3 – 最後，亦係最重要，我揾到好多 lost friends… 有小學朋友、有中學同學、有大學同學、更加有同事！ 唔知你又可唔可以揾到你 o的 lost friends 呢?

今時今日係香港地返工，除非你係老外或者係同老外打工，如果唔係，中文打字似乎已經係打工仔必備既 “士嬌”。用 “視窗” 打中文有 n 咁多種打法，最常見亦最常用既有速成同埋倉頡。如果有打開中文 “戇奶驚” 既話，就仲要加埋併音，尼隻輸入法尤其係台灣 o的機民既首選。打親機都會見到 o的台灣人打 o的古靈精怪既台式併音。 入返正題，有人為左唔使學中文輸入法，就走去開發左以繪畫板輸入中文既軟件，即係現今市面上買到既手寫板。而手寫板既出現著實帶比我唔少好處。首先，打中文 “戇奶驚” 唔使好似火星人講緊火星文咁同其他 “中文” 人溝通不能。得閒又可以練下自己 o的中文生字割寫。最重要係可以懶下，唔使學中文打字，雖然都識識地速成。 手寫板分開好 q 多款。最常見既就係蒙恬聽寫王，即係又可以用手寫板去寫又可以用咪去講。不過係 “疴肥仕”… 都係用手寫板好，用咪好易比人以為係疾線佬。除左聽寫王，仲有小蒙恬，o岩哂 o的 notebook 用，不過我就覺得太細唔好用。手寫板雖然好用，但如果 o的字寫得太核突會認唔到或者認錯字，好 q 煩。 唔知第二時會唔有 o的用腦諗諗就可以打到文字既方法呢？有就正啦！