夜半毛人私語時

今日係豬太肚仔入面個小生命已經 33 週啦。所有媽媽入院前要買既野都準備好，只差未搞臍帶血… 應該下星期搞埋佢。我都有好多朋友仔生左小 BB。一個早兩星期，一個早三星期添，搞到豬太有小小擔心。豬媽今日去左剪頭髮… 依家豬媽變左… 冬菇頭… 嘻嘻嘻…

下星期二又要覆診啦，唔知到時小寶寶幾重呢？

今日豬太又去 Nancy Fok 到覆診。小寶寶而家 32 週，體重 3 磅 8 安士，預產期係 12 月 13 日，完全正常，媽媽聽完先放心小小喳。小寶寶仲有大約 8 個星期就出世啦。搞到我都有小小緊張添。依家仲未買奶粉月 car seat… 仲未簡到用邊間臍帶血添！要快啲決定…

小寶寶… 等你一出世我就同你係咁影相先！

今日晨早同豬太入左赤柱，諗住影下覩相。咁咪同佢朝頭早十點幾出發，揸車去到赤柱先十一點三，竟然 parking full 左！？有冇搞 X 錯！結果，我地泊左架車係啲露天停車場。咁落到去我地影左陣相，又行在陣街。咁成點鐘，我地去揾野食，結果簡左 Bayside Brasserie。等左一陣位後，我地坐左係一度窗隔離，又有冷氣又有海風，好鬼舒服。

閱覽全文 »

豬豬媽媽星期四我係大陸返香港時突然肚仔痛！結果果晚溜夜入左浸會。第二日醫生黎巡房時話阿豬太個子宮比較敏感。好彩入左醫院食左藥，家陣先冇事，住左 3 晚醫院就返左屋休息。衣家豬太就變左兩個星期覆疹一次。咁好快就到啦。

下次都係記住，豬太一有乜野事都好，第一時間就係連佢去醫院。

小寶寶，你未夠鐘出世架。乖乖地係媽媽肚仔入面住住先啦。

今日約左豬太阿媽加埋佢大家姐 and 大家姐個女去跑馬地馬主同樂日度玩。啲遊戲… 真係超毛聊！最有睇頭就係無幾舊吹氣迷宮同滑水梯！

個滑水梯仲吸引在幾個妙齡女子去玩添。事後仲要上埋報紙… 馬經版！

閱覽全文 »

今日又如常返霍醫生度覆診。小寶寶依然健康成長緊，大約重 1.5 磅。醫生話都算幾大個 B。老婆聽完個一刻先鬆一啖氣。

繼覆診之後，爸爸媽媽依家開始著手諗吓買咩小寶寶車仔… carseat… high chair… 奶粉… 同理其他 “kick lick gwack lack” 嘢啦。已經列出許許多多要買既嘢。爸爸心諗：「嘩！要買好很多嘢喎！不過… 冇所謂啦。小寶寶係家中 VIP 黎，更係要有 VIP 既服務啦。」

爸爸又諗到… 遲啲仲要幫小寶寶改名添… 哎吔… 改名係爸爸既弱項… 爸爸苦惱中…

25號嗰日去左龔羽一度做 Sturctual Ultrasound… 等左一陣先入去照…

醫生：「個 B 好曳，位置唔啱乜都照唔到… 出去等等再入過黎啦…」

咁我地咪出返黎等… 第二啤入左去… 冇耐出番黎…… 灰左… 如是者啤啤都灰哂。

又到我地啦，終於阿 B 轉左身，可以照到啲眼耳口鼻，手手腳腳，頭仔肚仔… 點知仲差個心同背脊… 灰哂，又要出去再等… /_\

閱覽全文 »

今日放工返屋企… 冇咩特別。食完飯又如常出街散步，散完又返屋企 hea。

老婆突然同我講個肚好似有啲痛。咁我咪叫佢比個肚我睇吓摸吓。點知真係唔摸尤自可，一摸就嚇死我！老婆個肚突然＂砰＂一吓咁突左一吓。

跟手繼續摸，先發覺個肚仔好似仲有小小郁郁吓既感覺。咁我諗…唔通係胎動！？咁我數吓日子… 嘩！原來已經差唔多二十週！怪唔知得啦！我仲記得睇過吓書話媽媽二十週到就可以 feel 到 BB 胎動。哈哈哈！

就係咁，BB 第一次既胎動就係一次嚇親爸爸媽媽之下發生左…